Lehtësisht në gjysmëfinale!

Pavarësisht mungesave të lojtarëve Barnes, e Livingston si dhe të trajnerit Kerr, nënkampioni në fuqi i NBA-së shënoi fitore tejet të lehtë në udhëtim te Blazers, për ta shënuar kështu fitoren e 4 nga 4 ndeshjet e luajtura dhe për ta arritur gjysmëfinalen e Perëndimit.

Warriors startuan furishëm qysh në çerekun e parë, çerek në të cilin shënuan plot 45 pikë dhe pothuajse e mbyllën dilemën e fituesit. Vazhdimi i ndeshjes ishte më i barabartë, mirëpo epërsia e lartë veçse ishte krijuar dhe befasi eventuale nuk pamë.

SKEMA PLAY OFF

Më i dalluari te skuadra mysafire ishte Steph Curry me 37 pikë, 8 asistime e 7 kërcime, derisa te Blazers u dallua i zakonshmi Lillard, për të cilin kjo ndoshta ka qenë ndeshja e fundit me skuadrën nga Portlandi, me zërat për largimin e tij që vazhdimisht po shtohen. ‘Dame’ takimin e mbylli me 34 pikë, 6 asistime e 1 kërcim.

Në gjysmëfinale të Perëndimit, Golden State e pret fituesin e duelit mes LA Clippers dhe Utah Jazz.