SHQIP NË BOTË
Lëndim i lehtë i Edon Maxhunit, Long Beach State fiton
2 March, 2018 @10:43
Në takimin e zhvilluar ndaj vendit të parë të Konferencës, skuadrës Santa Barbara, skuadra e Long Beach State ka shënuar fitore në sekondat e fundit.
6 sekonda para përfundimit të ndeshjes, Santa Barbara pati epërsi 1 pikëshe, e më pas me një akcion individual të Deishuan Booker, skuadra e Edon Maxhunit e siguroi fitoren 0.3 sekonda pa përfunduar dueli.
Për shkak të një lëndimi të lehtë të pësuar në nyjën e këmbës ditën e martë në stërvitje, Edoni nuk u aktivizua në këtë takim, ndërsa sipas burimeve të Borozani.com lëndimi i tij nuk është serioz dhe ai ka gjasa që të luajë të dielën në ndeshjen e ardhshme të skuadrës së tij.
Me këtë fitore, Long Beach tashmë ka gjasa ta përfundojë sezonin në vendin e dytë apo të tretë nëse e fiton ndeshjen e fundit ndaj UC Riverside ditën e diel.
Sa i përket koeficientit për ta fituar çmimin ‘Freshman of the Year’ në kolegjet amerikane, Edon Maxhuni momentalisht ndodhet në vendin e dytë, ndërsa diferenca me vendin e parë mund të ngushtohet gjatë ndeshjeve të ardhshme dhe në turnirin NCAA.
