Levski fiton derbin bullgar

Levski e Sofjes ka arritur që të mposht Balkan Botevgradin në derbin bullgar të ligës ballkanike për tu barazuar me Sigal Prishtinën në renditje me pikë. 

Me këtë fitore të Levskit, ndeshja e javës së ardhshme ndërmjet Sigal Prishtinës dhe ekipit nga Sofja - pritet të bëhet luftë e madhe për vend të dytë të kësaj lige, që siguron një vend në Final Four ose gjysmëfinale. 

Ndërsa humbësi i këtij takimi Balkan Botevgrad ka siguruar kualifikimin në TOP 6, derisa pret Pejën së cilës i duhet fitorja për të siguruar një vend në Play-Off. 

Në ndeshjen e sontme te Levski u dallua Brandon Heath me 30 pikë të shënuara, 6 asistime dhe 4 kërcime, si dhe Hristo Zahariev me 17 pikë të shënuara. Te mysafirët nga Botevgradi nuk mjaftoi double-double i Logan Stutzit prej 20 pikëve dhe 13 kërcimeve për të shënuar fitore. 

Rezultatet dhe tabela aktuale.