Të përgatitur për maksimum!

Sigal Prishtina përkundër lodhjes dhe rrugës së gjatë deri në Rumani ka qenë e përgatitur për të dhënë maksimumin drejt fitores. 

Këtë e ka thënë ndihmës trajneri i bardhekaltërve, Albert Sylejmani, në një deklaratë pas fitores për faqen zyrtare të ligës ballkanike. 

“Ka qenë ndeshje e vështirë dhe ne e kemi ditur këtë. Ne e dinim se ata janë ekipi i mirë dhe me shumë përvojë. Kemi bërë rrugë të gjatë deri këtu dhe kemi qenë paksa të lodhur. Gjithashtu, largimi i dy të huajve nga ekipi e ka bërë punën tonë edhe më të vështirë. Të gjithë lojtarët dhanë maksimumin, ishim të përgatitur për një ndeshje të mirë dhe kemi dhënë gjithçka për fitore,” është cituar të ketë thënë Sylejmani, pas fitores së Sigal Prishtinës ndaj Craiovës 85-86 si mysafir. 

Sigal Prishtina me këtë fitore është përforcuar në vendin e dytë të tabelës së klasifikimit të Balkan League dhe vetëm një xhiro e ndan nga sigurimi i një vendi në TOP 2 të kësaj lige.