Liria ankohet për shumë tension, Gjilani i mohon

Skuadra e Lirisë së Prizrenit përmes një njoftimi në faqen zyrtare të ekipit liriafc.com ka bërë të ditur çfarë ka përjetuar në Gjilan, në duelin e djeshëm, që përfundoi pa fitues 0-0.

“Mesfushori i Gjilanit, Gzim Rusi, ka qëlluar me grusht Albin Memajn gjatë ndeshjes. Memaj u bë për spital, ndërsa iu lëndua syri i djathtë dhe mbeti i shtritë në spital të qytetit,” ka bërë të ditur njoftimi i ekipit bardhezi nga Prizreni.

Përveç Gzim Rusit që u skuq nga referi i ndeshjes, më pas nga banka rezervë përjashtohet edhe ndihmës trajneri i Lirisë Bekim Bakaj, kurse futbollisti Fisnik Ramadanaj merr karton të kuq!

Klubi i Lirisë gjithashtu ka bërë të ditur se lojtarët dhe stafi kanë qenë të rrezikuar edhe nga publiku përreth, të cilët kanë hudhur me gjësende, mezi kanë shpëtuar, ndërsa ka falenderuar policinë e Kosovës për përcjellje deri në dalje të Gjilanit.

Në anën tjetër, Gjilani ka publikuar sot një reagim në faqen zyrtare të ekipit në Facebook, kuka bërë të ditur si mëposhtë.

“Sa i përket pretendimeve të KF Liria se nuk janë pritur mirë në Gjilan dhe se ka pasur incidente tjera, ne duam të njoftojmë opinionin se këto pretendime nuk qëndrojnë. Nuk qëndron fakti se ndokush është sulmuar me shufra metalike dhe për këtë besojmë se Policia e Kosovës do të del me raport zyrtar,” është thënë ndër të tjera në reagimin e klubit vendas.

Sidoqoftë, i gjithë tensioni pritet të shihet nëse do të paraqitet nga delegati i ndeshjes dhe kontrollori i referëve, të cilët shpejtë do t’i publikojë Komesari i Garave të FFK-së dhe të kuptohet si do të raportojnë zyrtarët, a do të ketë dënime e e suspendime.

Gjithashtu, interesant është fakti se as edhe një sekuencë nuk është publikuar nga kjo ndeshje nga asnjë televizion që zakonisht i përcjellë ndeshjet me kamerë!!!

Në rrjete sociale po zhvillohet një luftë fjalësh se kush kujt i ka mbetur borxh një ndeshje!!! Ndërsa zyrtarë të klubeve rivale, shtyhen për fotografi me Memajn, që për pak shpëtoi nga lëndimi më serioz i syrit.