Luaj për të fituar

Qendra e Spanjës, Pau Gasol, pas triumfit në Kampionatin Europian të basketbollit, për mediat spanjolle ka thënë se ai luan gjithmonë për të fituar. 

“Kam ardhur këtu të fitojë. Luaj gjithmonë për të fituar. Për mua nuk është e papritur fitorja. Ka pasur njerëz që nuk na kanë besuar, por ne i kemi mposhtur të gjithë favoritët,” ka thënë 35 vjeçari. 

Gasol ka qenë falenderues edhe për mysafirët special të Spanjës të pranishëm në finalen e madhe të Eurobasket 2015. 

“Vetë prezenca e Juan Carlos Navarros dhe Rafael Nadalit na kanë bërë tepër të lumtur dhe më të motivuar për finale,” ka vazhduar MVP-ja e Eurobasketit. 

“Të jesh MVP i Europianit është diçka e veçantë. Vetëm njëri mund të bëhet në një turne. Sidoqoftë, për mua është më me rëndësi se si kemi luajtur si ekip. Jam falenderues për bashkëlojtarët, pasi që pa punën e 11 kolegëve tjerë, s’do të kishte as MVP as tituj,” ka përfunduar Gasol.