Lufta për Superligë në Ferizaj

Basketbollsitët e Kastriotit të Ferizajit sonte kanë rastin t’i shkaktojnë humbjen e parë ekipit të Studentit në Ligën e Parë të Kosovës në basketboll. 

Kastrioti që ka vetëm një humbje dhe atë nga Studenti, është duke luftuar për një vend që dërgon në BKT Superligë stinorin e ardhshëm. Djelmoshat e udhëhequr nga trajneri, Blerim Krasniqi, sonte do të jenë më të motivuar për fitore për shkak se luajnë ndaj kundërshtarit të drejtpërdrejtë që çon në BKT Superligë, sigurtë. 

Studenti, në anën tjetër, ekip ky i krijuar vitin e kaluar nga talentët e basketbollit pejan, që udhëhiqet nga trajneri Hekuran Husaj, ka shënuar fitore në të gjitha ndeshjet e deritashme dhe në rast të fitores së sontme ata praktikisht do të ishin pjesëmarrës të sigurtë në BKT Superligë. 

Vendi i parë në Ligën e Parë të Kosovës dërgon direkt në BKT Superligë, ndërsa vendi i dytë luan ndeshje Play-Out me të parafundit nga BKT Superliga. 

Studenti ka bilanc perfekt prej 11 fitoreve dhe asnjë disfatë, derisa Kastrioti ka 9 fitore krahas një humbjeje. 

LIGA E PARË, SONTE