Luftuam, por Peja fitoi

Manuel Markov, trajner i Levski 2014, ka thënë se ekipi i tij ka luajtur shumë mirë mbrëmë ndaj Pejës, përkundër se u mposhtën. 

Ai e ka cilësuar lojën e Pejës të ngadalshme, por beson se ekipi i tij do të kualifikohet nga Grupi D për në gjysmëfinale të BIBL. 

“Mbrëmë e pamë Levskin që duam ta kemi. Luftë 100% nga secili lojtar dhe mos-dorëzim gjatë gjithë ndeshjes. Ishim mrapa 19 pikë, pastaj kaluam në 5 plus dhe në fund humbëm,” ka thënë Markov pas ndeshjes shkruan faqja zyrtare e BIBL sot. 

“Mendoj se Peja ishte më e ngadalshme se ne dhe momentet më të mira të ekipit tonë kanë qenë kundërsulmet e shpejta,” ka shtuar Markov. 

Peja me fitore ndaj Levskit mbrëmë ka kaluar në vend të dytë të Grupit D me bilanc 2-2, ndërsa ekipi bullgar ka bilanc 1-3. 

TABELA AKTUALE E GRUPIT D TË BIBL

Deri në përcaktimin e gjysmëfinalistit të dytë nga ky grup ekipet kanë edhe nga dy ndeshje për t’i zhvilluar. Sigal Prishtina është e para në këtë grup dhe nuk ka asnjë humbje, ndërsa ka siguruar gjysmëfinalen. Peja, Levski dhe Kozuv, luftojnë për një vend tjetër nga ky grup që siguron gjysmëfinalen e BIBL.