FITORE PËR NGRITJE NË RENDITJE
Me fitore NewBasket del në vend të dytë
14 December, 2023 @23:07
NewBasket nga Prizreni ka mposhtur Kerasanin sonte në “Sezai Surroi” me rezultat 76-70 dhe me fitoren e nëntë kampionale të arritur ka dalë në vend të dytë të renditjes tabelare në Ligë të Parë.
Idoll Pallushi me 18 pikë ka qenë më i dalluari te NewBasket, ndërsa me nga 14 pikë të shënuara ndeshjen e kryen Rinol Gashi dhe Almamy Syla. Te mysafirët, më efikasi ka qenë Ergin Grosha me 24 pikë të shënuara.
Pas kësaj ndeshjeje, NewBasket në vend të dytë ka bilanc 9-4 ndërsa Kerasani është i shtati në renditje me 3-9.
