Me mbrojte të fortë, mund të mposhtet Teodo

Granit Rugova beson se skuadra e tij, Bashkimi, nesër mund të del fituese nga përballja me Teodon, megjithëse sipas tij kjo do të jetë në ndeshje shumë e vështirë.

Nëntëshja e prizrenasve gjithashtu e di edhe si mund të mposhtet Teodo, të cilin e lavdëroi për lojën e mirë në sulm.

“Do të jetë një ndeshje mjaft e vështirë dhe e rëndësishme. Teodo ka ekip mjaft të fortë, por besoj se jemi të përgatitur për këtë ndeshje dhe me angazhim maksimal e përparësi të terrenit do të fitojmë në këtë ndeshje, duke qenë një hap më afër “play-off”-it të Ligës Ballkanike. Teodo ka skuadër  të mirë në sulm, andaj ne duhet të praktikojmë mbrojtje shumë të fortë në mënyrë që ta ndalim sulmin e tyre,” tha Rugova për faqen zyrtare të FBK-së.

Ndeshja ndërmjet Bashkimit dhe Teodos do të luhet nesër nga ora 18:30 në palestrën “Sezai Surroi” në Prizren.