Me përforcimet e fundit, Ylli arrin fitoren e parë kampionale!

Dy përforcimet e ardhura së fundi, kanë mundësuar që Adis Beciragic sado pak të ketë rotacion në ekip, ndërsa Ylli ka shfrytëzuar mundësinë që të regjistrojë fitoren e parë sezonale ndaj Vëllaznimit të Gjakovës.

Ylli mposhti Vëllaznimin në 13 qershori të Suharekës sonte, me rezultat 81-70 [17-21, 29-18, 19-12, 16-19] për të dalë nga fundi i renditjes tabelare, për një pikë më shumë në koshdallim!

TABELA AKTUALE

E Chris Harris ka qenë më efikasi te Ylli në fitore, derisa ka kryer ndeshjen me 16 pikë e 7 kërcime. Harris shënoi një më shumë sesa Valon Bunjaku e Davis Rashun, që gjithashtu ishin ndër kryesorët në fitoren e ekipit kampion të Kosovës.

Te Vëllaznimi, që nuk ka shënuar fitore si mysafir këtë sezon, double-double i Damonte Doddit nuk ka mjaftuar. Dodd shënoi 19 pikë e 11 kërcime, ndërsa u dallua edhe Anthony Adger me 18 pikë, por pamjaftueshëm për fitore.

Pas këtij dueli, për një pikë, Ylli i ikë fundit të renditjes pas fitores së parë sezonale, ndërsa Vëllaznimi ka bilans të njëjtë si suharekasit tash, 1-5.