FERONIKELI - MH PRISHTINA
MH Prishtina me lehtësi, ngritet në krye të tabelës
19 November, 2020 @18:01
Marigona Hill Prishitna, e mposhti me lehtësi Feronikelin me rezultat 88-98 dhe u vendos në krye të tabelës në Ligën e Parë.
Skuadra e drejtuar nga trajneri Dritëro Sefaja, nga minuta e parë e deri në fund asnjëherë nuk e lëshoi epërsinë dhe e regjistroi fitoren e radhës.
Edin Peci me 27 pikë, 8 kërcime e 4 topa të rrëmbyer ishte më i miri te MH Prishtina, derisa u dalluan edhe Drilon Shala me 14 pikë dhe Shpat Mustafa me 12 pikë të tjera.
Te Feronikeli Fisnik Hoti e Endrit Ibrahimi luajtën me nga 22 pikë secili, por nuk mjaftoi për fitore.
Marigona Hill Prishtina së bashku me AS Prishtinën, janë dy skuadrat pa humbje deri më tani pas 4 xhirove në Ligën e Parë, derisa Feronikeli ka bilanc prej 1 fitoreve e 2 humbjeve.
Në xhiron tjetër MH Prishtina takohet me Dritën, kurse Feronikeli me AS Prishtinën.
