Milanovski mungon 1 javë

Basetkbollisti maqedonas i Trepçës, Daniel Milanovski, i cili nuk u paraqit as mbrëmë në ndeshjen e papërfunduar ndërmjet Sigal Prishtinës dhe Trepçës, pritet të mungojë së paku edhe një javë te klubi kampion. 

Kështu ka thënë vetë basketbollisti për portalin tonë, pasi që pritet të kryejë terapinë e nevojshme derisa të kurohet nga lëndimi i pësuar në ndeshje me Pejën. 

“Më duhet të kryejë terapinë e nevojshme që së paku zgjatë një javë, e pastaj do të kuptohet gjithçka,” ka thënë aloja 193 centimetërshe e Trepçës për Borozani.com. 

Milanovski 25 vjeçar ka qenë edhe në stinorin e kaluar pjesë e Trepçës, por vetëm në pjesën e parë të stinorit. Këtë stinor ai erdhi si përforcim për skuadrën mitrovicase në pjesën e dytë të stinorit. Ai kishte pësuar një goditje në kofshë në ndeshje me Pejën dhe ka munguar në ndeshjen e mbrëmshme e me gjasë do të mbetet jashtë edhe për ndeshjen e Kupës kundër RTV 21 si dhe në fundjavë që për koincidencë luhet gjithashtu ndaj RTV 21.