BIBL
Milatovic thurr lavde për Torcidën
25 November, 2016 @14:02
Pas fitores që e shënoi Tirana ndaj Trepçës mbrëmë në kuadër të Ballkan Ligës, për media ka folur kryetrajneri i Tiranës, Nikola Milatovic, për të cilin ishte ndeshja e parë nën drejtimin e Tiranës në BIBL.
“Ishte një fitore e rëndësishme për ne pasi që është e vështirë të fitosh ndaj Trepçës në Mitrovicë. Ata janë një skuadër shumë e mirë, me një trajner shumë të mirë dhe me fansat më të mirë në BIBL. Duhet t’i përgëzoj tifozët e Trepçës. Kemi edhe 4 ndeshje dhe shpresoj që të kualifikohemi në fazën tjetër.” - tha Milatovic, kryetrajner i skuadrës nga kryeqytetit i Shqipërisë.
Pas 5 ndeshjeve, Tirana ka 2 fitore e 3 humbje dhe ndodhet në vendin e katërt të Grupit B.
