Papadopoulos: Pjesa e parë vendosi

Trajneri grek i Trepçës, Dimitris Papadopoulos, përjetoi humbjen e parë me ekipin e tij të ri mbrëmë nga Tirana në kuadër të BIBL.

Ai ka thënë se pjesa e parë ka qenë vendimtare në ecurinë e ndeshjes dhe pastaj gjithçka ishte e vështirë.

“Fakti që ne u lejuam 8 kërcime në sulm rivalëve në pjesë të parë na futi në presion psikik dhe bëri që t’i pranojmë 39 pikë. Në pjesë të dytë ishim shumë më të mirë, morrëm epërsinë 1 pikëshe 2 minuta e 30 sekonda pa përfunduar ndeshja. Sidoqoftë, pranuam pikë në momentet e fundit të ndeshjes nga sulmi tiranas dhe na kushtoi me lojë,” ka thënë Papadopoulos pas humbjes për faqen zyrtare të BIBL.

Trepça pas 5 ndeshjeve të zhvilluara në Grupin B të BIBL ka bilanc prej 2 fitoreve dhe 3 humbjeve.