Mund të kthehet

Ish trajneri i Pejës, që e pat lënë skuadrën në gjysmë të stinorit të kaluar, Daniel Lutz - mund të rikthehet përsëri në Pejë. 

Sipas një njoftimi të botuar në të përditshmen sportive të gazetës Tribuna, Arena, trajneri kroat që vlerësohet lartë mund t’i bashkëohet prapë verdhezinjëve. 

Bisedimet me Lutzin i ka konfirmuar edhe kryetari i klubit pejan, Art Gashi, për gazetën në fjalë. 

“Ne vazhdimisht kemi qenë në kontakt me trajnerin kroat Daniel Lutz. Ai mund të rikthehet sërish në skuadër për ta udhëhequr në stinorin e ri,” ka thënë mes tjerash Gashi në prononcimin e tij për Arena, në numrin e saj të sotëm. 

Peja që kishte fituar titullin kampion në stinorin 2012/13, mbeti pa asnjë trofe stinorin që shkoi 2013/14, ku të gjitha i fitoi Sigal Prishtina.