MVP e gjysmëstinorit në Ligën e Femrave

Pas përfundimit të pjesës së parë në Ligën e Femrave, Topsporti ka zgjedhur MVP-në e Ligës së Femrave, bazuar në performancat e lojtareve.

MVP e gjysmëstinorit në Ligën e Femrave është Valbona Bytyqi.

Bytyqi pas një pauze nga basketbolli, është rikthyer në mënyrën më të mirë. Nga 10 xhiro të zhvilluara në elitën e femrave, Bytyqi ka qenë 6 herë në TOP 5-shen e javës, dhe duke pasur parasysh që ka qenë bartëse thuajse e vetme e ekipit në të gjitha ndeshjet, ajo është treguar vendimtare në rezultatet e ekipit.

Valbona në 10 ndeshje ka shënuar 215 pikë, rrëmbeu 93 kërcime dhe i bëri 43 asistime. Mesatarja e lojtares pejane në pikë është 21.5, në kërcime 9.3 dhe në asistime 4.3 për ndeshje.

Ajo, thuajse e vetme ka bartur tërë barën e skuadrës këtë gjysëmsezon.

Penza e përfundoi gjysmëstinorin në pozitën e tretë me 6 fitore e 4 humbje.