Fredette dhe çereku i tretë vendosin

Panathinaikos i është kthyer fitores në Euroligë, pas humbjes nga Barcelona në xhiron e kaluar duke e mposhtur Fenerbahçen në Athinë sonte 81-78 [22-21, 20-25, 23-11 dhe 16-21].

Loja e mirë e Jimmer Fredette-it gjatë ndeshjes ka qenë vendimtare në fitoren e ekipit grek, që tashmë ka bilans 9-5 pas 14 xhirove të Euroligës.

Fredette përfundoi duelin me 22 pikë të shënuara, 2 kërcime e 2 asistime, derisa rrëmbeu edhe tre topa nga kundërshtari në këtë fitore.

Fenerbahçe në anën tjetër, nuk është as hija e atij ekipi të viteve të kaluara. Kanarinat e Stambollit kur mendohej se u kthyen në formë me fitore ndaj Albës, tashmë veçse kanë shënuar humbjen e dytë radhazi, pasi që pas ndeshjes me Efesin pësuan edhe nga athinasit.

Fenerbahçe ka bilans 5-9 pas 14 xhirove.