TEAM OF THE WEEK
TOP 5-shja e javës në Superligë (17)
16 December, 2019 @18:43
TopSporti.com ka zgjedhur më të mirët e xhiros së 17 në Superligën e Kosovës në basketboll.
Ekipin e javës e përbëjnë: Divine Myles (Prishtina), DJ Hanes (Trepça), Malcolm Canada (Prizreni), Arbër Berisha (Peja) dhe Urim Zenelaj (Prizreni).
Kampionia aktuale e Kosovës, Prishtina, duke e mposhtur Bashkimin në xhiron e 17, u vendos në krye të tabelës.
Më i dalluari në ndeshje ishte Divine Myles. Ai luajti me double-double prej 24 pikë e 11 asistime, derisa në statistika i shtoi edhe 4 kërcime e 3 topa të rrëmbyer.
Trepça në krye me trajerin kroat, Neven Plantak, e shijoi fitoren pas 6 humbjeve rresht, duke e mposhtur Feronikelin. DJ Hanes ishte më i miri te skuadra mitrovicase me 32 pikë, 8 kërcime, 4 asistime e 3 topa të rrëmbyer.
Peja me lehtësi e mposhti Yllin. Arbër Berisha me double-double prej 18 pikëve e 10 kërcime, arriti të hyjë në TOP 5-shen e javës.
Ndeshja më interesante e xhiros së 17 ishte në mes të Prizrenit dhe të Rahovecit. Prizreni e mposhti kundërshtarin që ishte lider deri në këtë xhiro.
Nga ky duel dy lojtarë të Prizrenit arritën të gjejnë vend në TOP 5-shen e javës, Malcolm Canada dhe Urim Zenelaj. Canada luajti me 26 pikë, 7 asistime e 4 kërcime, derisa Zenelaj me 16 pikë, 19 kërcime e 4 asistime.
