Prizreni largon Elliott Colen

Skuadra e Prizrenit, me të përfunduar stinori vjeshtor, e largoi nga skuadra amerikanin Elliott Cole.

Prizreni në faqen zyrtare në Facebook, ka bërë të ditur se nuk do ta vazhdojnë bashkëpunimin me lojtarin Cole, derisa kontrata e lojtarit është shkëputur me marrëveshje të dyanshme.

Cole ishte pjesë e Prizrenit edhe në stinorin e kaluar, derisa në këtë sezon luajti në 13 ndeshje me mesatare prej 16 pikëve, 3 asistimeve dhe 2.2 kërcimeve për ndeshje.

Skuadra prizrenase gjithashtu ka bërë të ditur se mund të ketë përforcime dhe largime tjera në ditet në vijim.

TABELA AKTUALE

Prizreni aktualisht gjendet në pozitën e pestë me 9 fitore e 7 humbje.