LOJTARI I RI I PEJËS
Johnson: Duhet të mësojmë nga gabimet
18 December, 2019 @10:55
Basketbollisti i ri i Pejës, Nigel Johnson, që debutoi me lojë tepër të mirë në BIBL, ku ekipi i tij u mposht nga Academic, në deklaratën e tij pas ndeshjes ka thënë se skuadra duhet të mësojë nga gabimet.
“Kemi huqur raste shumë të mira - shuta të hapura, situata nën kosh, gjuajtje të lira. Këto janë gabime nga të cilat duhet të mësojmë dhe të mos i përsërisim në duelet tjera. Në përgjithësi ne kemi luajtur mirë, kemi luftuar prej fillimit deri në fund, por thjesht ishim më të dobët në disa detaje nga vendasit,” ka thënë Johson për faqen zyrtare të BIBL.
Johnson, që debutoi për Pejën në BIBL ka luajtur 37 minuta nga 40, duke shënuar 26 pikë, 4 asistime, 6 kërcime dhe 3 topa të rrëmbyer.
Peja ka bilans aktual 2-3 në BIBL, ndërsa ndeshjen e radhës e luan më 8 janar 2020 në Karagaç ndaj Ibrit.