Nata e përparësisë

Dy ndeshjet e para të serisë finale, Sigal Prishtina dhe Peja i fituan si vendas, duke shfrytëzuar përparësinë e terrenit vendas dhe aktualisht seria është 1-1. 

Seria finale vazhdon sonte në Pallatin e Rinisë dhe të Sporteve në Prishtinë, ndërsa të dyja skuadrat kërkojnë avantazhin në seri, që do t’i fuste me një përparësi psikologjike para ndeshjes/ve vendimtare. 

Të dyja skuadrat dëshirojnë që të paraqesin në fushë performancën e ndeshjeve të zhvilluara si vendas, ku Prishtina kishte mposhtur lehtë Pejën në ndeshjen e parë, por edhe Peja ia kishte kthyer njejtë, për 1-1. 

Paksa brengosës ka qenë fakti që përkundër se janë dy ekipet më të mira në Kosovë, Prishtina dhe Peja, në përballjet e para nuk kanë arritur t’i mbushin palestrat me publik. 

Përndryshe, Sigal Prishtina e Peja, janë duke u takuar në finale për herë të tretë me radhë në Superligë, ku në 2012/13 ka triumfuar Peja 3-0, ndërsa në 2013/14 ka triumfuar Prishtina 3-0. 

Kësaj radhe, është ndryshe…

Kampion shpallet ekipi që arrin tre fitore së pari.