Derbi problematik i takon Pejës

Peja ia nisi shumë mirë ndeshjen duke krijuar seri 6-0 në fillim të saj, e më pas edhe epërsi deri në 12 pikë (25-13).

Pas epërsisë 12 pikëshe të pejanëve, pasoi seria 9-0 e Sigal Prishtinës, duke u ngushtuar kështu rezultati deri në tre pikë (25-22).

Megjithatë verdhezinjtë nuk e humbën kontrollin në lojë dhe pjesën e parë e përmbyllën në të mirë të tyre, 45-36.

Çereku i tretë kaloi në të mirë të Prishtinës e cila e fitoi këtë çerek me rezultat 18-21, ndërsa rezultati u barazua dy herë gjatë kësaj periudhe (52-52, 57-57).

Edhe 5 minuta e 23 sekonda pa mbaruar ndeshja, kur rezultati ishte 70-66 në të mirë të Pejës, treshja e gjyqtarëve e ndërpreu takimin për ta zbrazur një pjesë të palestrës.

Të pakënaqur me vendimin e gjyqtarëve, klubi i Pejës morri vendim që të tërhiqet nga palestra, si protestë ndaj vendimit të gjyqtarëve.

Mirëpo më pas vendimi i pejanëve ndryshoi dhe ata u kthyen përsëri në palestër për t’i luajtur edhe minutat e mbetura. Ky ishte edhe vendim i qëlluar për ta pasi që shënuan fitore në fund me rezultat 83-78, duke ia shkaktuar humbjen e parë Sigal Prishtinës në Superligë.

Më meritori në fitoren e Pejës ishte amerikani Fred House që shënoi 20 pikë, një më shumë se Dardan Berisha i Sigal Prishtinës.

Tabela aktuale.

Statistikat individuale te Peja

Statistikat individuale te Sigal Prishtina