DERBI TURK
Ndeshja dramatike i takoi Anadolu Efesit
27 October, 2016 @21:21
Skuadra e Anadolu Efesit ishte në disavantazh pothuajse gjatë tërë ndeshjes në derbin turk kundër Darussafakës në Euroleague.
Por djelmoshat e trajnerit Velimir Perasovic, së pari e barazuan rezultatin, pastaj u treguan më të mirë në minutat e fundit të ndeshjes, ku me gjakëftohtësi i shfrytëzuan gabimet e skuadrës së trajnerit Davit Blatt, për ta mposhtur kundërshtarin me rezultat 84-79.
Deshaun Thomas luajti me 17 pikë, derisa u ndihmua edhe nga Thomas Huertel me 15 sosh në fitoren e Efesit.
Kjo ishte fitorja e parë e Anadolu Efesit pas katër xhirove në Euroleague, derisa Darussafaka ka bilanc prej 2 fitoreve e 2 humbjeve deri më tani.
