Plantak: Po harxhohet energjia në pjesën e dytë

Trajneri i Trepçës, Neven Plantak, pas disfatës së dytë të ekipit në ligën ballkanike, ka thënë se mospërgatitjet e duhura para fillimit të stinorit po çojnë në shterrje të energjisë së ekipit, prej nga po rezulton humbja.

“Kjo është ndeshja jonë e pestë brenda 15 ditëve të fundit. Ne nuk i kemi nisur përgatitjet në kohë dhe kemi pasur probleme që të luajmë në nivel të lartë basketbolli, veçanërisht në pjesën e dytë të ndeshjes. Kemi bërë shumë gabime dhe kemi dështuar të shënojmë shumë raste, që të gjitha si rrjedhojë kanë pakësimin e energjisë në pjesë të dytë,” ka thënë trajneri kroat i ekipit mitrovicas, shkruan faqja zyrtare e BIBL sot.

Trepça u mposht nga Feni Industries dje me 18 pikë diferencë, 72-54.