TODOROV, PAS NDESHJES
Aleksandar Todorov, trajner i KB Peja/ Foto: FBK
Todorov: Këta lojtarë janë heronj
27 October, 2016 @9:23
Trajneri i Pejës, Aleksandar Todorov, në deklaratën e tij pas ndeshjes së fituar të ekipit të tij ndaj AEK-ut mbrëmë në “Karagaç” ka thënë se këta lojtarë janë heronj!
“Kjo është hera e parë e Pejës në gara europiane dhe ndeshjen kundër Clujit e kemi humbur nga respekti i madh për ta, pasi qëndruam 39 minuta ndaj tyre. Këta lojtarë janë heronj. Ndeshjen me AEK-un e vendosën tre pika kryesore: mbrojtja e fortë, moslejimi i kërcimeve nga rivali dhe moslejimi që rivali të shënojë nga kundërsulmet,” ka thënë Todorov.
Për më tepër, ai ka thënë se do të ketë edhe shumë punë nëse Peja synon kualifikimin, pasi që ekipit i duhen ende lojtarë.
“Peja ka mundësi të avancojë, por i duhen edhe dy lojtarë, pasi dy i kemi të lënduar dhe nuk ka shumë mundësi për rotacion,” ka thënë ai.
Peja është duke debutuar këtë stinor në FIBA Europe Cup, ndërsa ka treguar paraqitje shumë të mira dhe fitorja ka ardhë që në ndeshjen e dytë të Grupit G dhe të parën si vendas në Pejë.
TABELA AKTUALE E GRUPIT G:
| 1 | UBT Cluj | 2-0 | ||
| 2 | Gaziantep | 1-1 | ||
| 3 | Peja | 1-1 | ||
| 4 | AEK | 0-2 |
