HAWKS - ROCKETS
Ndeshja historike i takoi Houstonit
9 January, 2020 @10:59
Houston Rockets e mposhti Atlanta Hawksin me rezultat 115-122.
Të pranishmit në “State Farm Arena” e përjetuan performancat historike të James Hardenit dhe Trae Youngit.
Që të dy lojtarë luajtën me shifrat magjike triple-double. Harden luajti me 41 pikë, 10 kërcime e 10 asistime, derisa Young me 42 pikë, 13 kërcime e 10 asistime.
Performancat e Hardenit dhe Youngit ishin historike, ngase për herë të parë në histori të NBA-së, dy lojtarë kundërshtarë luajtën me shifrat magjike triple-double me mbi 40 pikë.
Houston Rockets aktualisht gjendet në pozitën e tretë me 25 fitore e 11 humbje në Konferencën Perëndimore, derisa Atlanta Hawks është në fund të tabelës në Konferencën Lindore me 8 fitore e 30 humbje.
