Ndeshja nuk kryhet për 20 minuta

Trajneri i Pejës, Branimir Pavic, po vazhdon me fitore si në Superligë ashtu edhe në Balkan League. 

Ekipi i Pejës ka shënuar fitoren e radhës në BIBL dhe aktualisht ka marrë kryesimin e Grupit B me fitore ndaj Lovçenit mbrëmë. 

RAPORTI I NDESHJES

“Ia nisëm mirë ndeshjes dhe krijuam diferencën. Në pjesë të dytë lojtarët tonë menduan se ndeshja u krye. Dua t’i uroj lojtarët e Lovcenit që luftuan deri në fund dhe gjithmonë kërkonin kthimin në lojë, derisa në një moment arritën edhe në 5 pikë dallim,” ka thënë Pavic, transmeton faqja zyrtare e BIBL fjalët e trajnerit kroat të Pejës pas fitores. 

TABELA AKTUALE E BIBL

“Sidoqoftë, kjo është fitore shumë e rëndësishme për ne, kemi arritur vendin e parë në grup dhe një paralajmërim për lojtarët se asnjë ndeshje nuk përfundon me 20 minuta lojë,” ka shtuar ndër të tjera ai. 

Peja është lidere e Grupit B të BIBL me 3 fitore e 1 humbje nga 4 ndeshjet e para.