MORNAR - BASHKIMI, SONTE
Griffin Ramme dhe Arion Balluku/ BOROZANI/ Lis Dorambari
Në kërkim të fitores së parë
9 February, 2016 @9:42
Bashkimi i Prizrenit është akomoduar dhe ka zhvilluar stërvitjet e fundit mbrëmë, para ndeshjes ndaj Mornarit sonte në Tivar të Malit të Zi.
Ekipi prizrenas i drejtuar nga malaziasi Petar Mijovic është duke e kërkuar fitoren e parë në Grupin C të BIBL, pas humbjes që e pësuan në sekondën e fundit në ndeshjen e parë ndaj Teodos në shtëpi.
Mornari në këtë ndeshje hyn si ekipi më i mirë i Grupit A në fazën e parë të garave. Ata ende nuk kanë zhvilluar asnjë ndeshje në fazën e dytë të BIBL dhe gjithashtu do të jenë në kërkim të fitores së parë në këtë grup.
Basketbollisti i Bashkimit, Granit Rugova, ka thënë se do të jetë vështirë, por ekipi do të kërkojë fitoren gjithsesi atje në këtë ndeshje.
Ndeshja do të referohet nga treshja: Aleksandar Milojevic, Martin Horozov dhe Alija Ferevski, ndërsa nis në 18e30.
