TREPÇA-PEJA
LaMarcus Reed KB Peja/ Foto: KB Peja Facebook
Reed në sekondën e fundit, Peja mposht Trepçën
22 October, 2016 @20:05
Përkundër super mundësisë, Trepça nuk ka shënuar asnjë pikë në 7 minutat e fundit të ndeshjes sot ndaj Pejës për ta humbur atë në sekondën e fundit të ndeshjes.
7 minuta para fundit të takimit, Samir Zekiqi shënoi për 54-44 në të mirë të Trepçës, ndërsa “Minatori” i stërmbushur jehoi.
Në 7 minutat e mbetura Peja afroi rezultatin, barazoi dhe përmes pikëve të amerikanit LaMarcus Reed në sekondën e fundit, ka fituar ndeshjen, 54-56.
ÇEREK PAS ÇEREKU
Peja e nisi më mirë ndeshjen sonte, ku pas çerekut të parë krijoi epërsi 8 pikëshe, ndërsa në çerekun e dytë, mitrovicasit e ulën atë në 5, për të shkuar në pushim të pjesëve.
Çereku i tretë ka qenë fantastik për ekipin mitrovicas, ata e ndalën Pejën në vetëm 8 pikë, ku rezultati i këtij çereku ishte, 20-8.
E në të fundit, Peja riktheu gjithçka për të çuar dramën deri në sekondën e fundit të ndeshjes, ku Trepça shënoi vetëm 3 e Peja 12 pikë për të fituar ndeshjen.
LOJTARËT
Frederic Stutz shënoi 18 pikë e 9 kërcime te Trepça sonte, ndërsa pikë dyshifrore shënoi vetëm edhe Montrael Scott, që përfundoi takimin me 11 pikë e 4 kërcime.
Në anën tjetër, te Peja përveç heroit LaMarcus Reed që përfundoi ndeshjen me 9 pikë, më efikasi ka qenë Salih Nuhanovic me 14 pikë e 6 kërcime, ndërsa pas tij Alban Veseli ka kontribuuar me 11 pikë tjera në fitore.
BILANCI
Peja me këtë fitore vazhdon serinë e pamposhtshmërisë në Superligë duke e çuar bilancin në 3-0, ndërsa Trepça përjetoi disfatën e parë në Superligë këtë stinor dhe tash ka bilanc 2-1.
Trepça
| 1 | Frederic Stutz (30:08) | 18 pikë | 9 kërcime | 2 bllokada |
| 2 | Montrael Scott (24:41) | 11 pikë | 4 kërcime | - |
| 3 | Samir Zekiqi (16:41) | 6 pikë | 4 kërcime | 2 asistime |
| 4 | Jeremy Wise (30:49) | 5 pikë | 4 asistime | 3 kërcime |
| 5 | Nikola Ljujic (22:48) | 4 pikë | 2 asistime | 1 kërcim |
| 6 | Besnik Azemi (11:23) | 4 pikë | 4 kërcime | - |
| 7 | Mise Diminic (9:51) | 4 pikë | 2 kërcime | - |
| 8 | Agon Selmani (7:47) | 2 pikë | 2 kërcime | - |
| 9 | Valdrin Haxhiu (30:22) | 0 pikë | 3 asistime | - |
| 10 | Albelard Rashiti (8:00) | 0 pikë | 1 kërcim | - |
| 11 | Burim Zekiqi (7:24) | 0 pikë | - | - |
| 12 | Arian Tahiri | - | - | - |
Peja
| 1 | Salih Nuhanovic (24:30) | 14 pikë | 11 kërcime | 1 asistim |
| 2 | Alban Veseli (34:48) | 11 pikë | 1 kërcim | 1 asistim |
| 3 | LaMarcus Reed (37:28) | 9 pikë | 4 kërcime | 1 asistim |
| 4 | Noah Dahlman (23:38) | 8 pikë | 1 kërcim | 1 asistim |
| 5 | Austin Tillotson (20:28) | 6 pikë | 2 asistime | 1 kërcim |
| 6 | Leonard Mekaj (9:31) | 2 pikë | 3 kërcime | 2 asistime |
| 7 | Egzon Kuqi (14:29) | 2 pikë | 2 kërcime | 1 bllokadë |
| 8 | Mirza Ahmetbasic (24:35) | 2 pikë | 2 kërcime | 1 asistim |
| 9 | Arti Hajdari (4:44) | 0 pikë | 3 kërcime | - |
| 10 | Rron Grapci (5:44) | 0 pikë | 1 kërcim | - |
| 11 | Blendi Kadusha | - | - | - |
| 12 | Mirza Muric | - | - | - |
