FERIZAJ
Nixha mposht ish skuadrën, Kastrioti feston
8 February, 2015 @19:52
Kastrioti ka shënuar fitoren e dytë të stinorit sot. Ekipi i udhëhequr nga Jeton Nixha ka mposhtur Vëllaznimin, ku Jeton Nixha punoi gjatë pjesës vjeshtore të stinorit.
Vëllaznimi i dobësuar pa të huajt e ekipit, pasi që së fundi u largua edhe Marijo Hajdic, e sot nuk u paraqit as Phil Brooks, i ka bërë ballë burrërisht ferizajasve deri në momentet e fundit të ndeshjes.
Mirëpo, krejt në fund, Kastrioti me gjuajtje të lira ka fituar ndeshjen, pasi që më parë rezultatin e kishte barazuar me treshe Korab Prekazi i Vëllaznimit, 49 sekonda pa përfunduar ndeshja.
Fitorja për Kastriotin sonte ka qenë jetike, pasi që tashmë, Jeton Nixha do të kërkojë që të shpëtoj nga fundi i tabelës, duke ditur se ka një fitore më pak se Besa.
Gent Shabani ka qenë lojtar i ndeshjes te ekipi i Kastriotit. Ai ka përfunduar ndeshjen me double-double prej 12 pikëve dhe 13 kërcimeve derisa ka regjistruar edhe 5 asistime në fitoren e parë pranverore të ekipit.
Me double-double nga ndeshja u nda edhe Stephen Coles, që shënoi 12 pikë e 10 kërcime në fitoren e madhe të të kaltërve.
Vëllaznimi përkundër se luajti shumë mirë dhe u mbajt deri në fund me vendorë, nuk ia deshi në fund.
Korab Prekazi ka qenë më i dalluari te ekipi gjakovar. Ai shënoi 28 pikë, 8 kërcime e 8 asistime për Vëllaznimin, derisa përveç tij pikë dyshifrore te gjakovarët regjistruan edhe Gent Zeka, Imer Tahiri dhe Ujkan Karanezi.
Kastrioti pas kësaj xhiroje ka bilanc 2-16, derisa Vëllaznimi mbetet me 5-13.
Statistikat ekipore:
| Kastrioti | Vëllaznimi | ||
| Çereku i parë | 23 | 21 | |
| Çereku i dytë | 14 | 22 | |
| Çereku i tretë | 16 | 16 | |
| Çereku i katërt | 23 | 14 | |
| Kërcime | 46 | 23 | |
| Asistime | 23 | 24 | |
| Bllokada | - | 3 | |
| Topa të vjedhur | 5 | 8 | |
| Topa të humbur | 16 | 10 | |
| Tentime për tre pikë | 6/26 | 9/31 | |
| Tentime nga loja | 24/67 | 28/64 | |
| Tentime nga gjuajtjet e lira | 22/33 | 8/11 |
Statistikat individuale te Kastrioti
| 1 | Keith Gabriel | 20 pikë | 7 kërcime | 6 asistime |
| 2 | Vincent Williams | 20 pikë | 6 asistime | 4 kërcime |
| 3 | Gent Shabani | 12 pikë | 13 kërcime | 5 asistime |
| 4 | Stephen Coles | 12 pikë | 10 kërcime | 2 asistime |
| 5 | Armend Jashari | 9 pikë | 5 kërcime | 1 asistim |
| 6 | Visar Xhemajli | 3 pikë | 7 kërcime | 3 asistime |
Statistikat individuale te Vëllaznimi
| 1 | Korab Prekazi | 28 pikë | 8 kërcime | 8 asistime |
| 2 | Genti Zeka | 12 pikë | 6 asistime | 2 kërcime |
| 3 | Imer Tahiri | 12 pikë | 5 kërcime | 2 asistime |
| 4 | Ujkan Karanezi | 11 pikë | 5 kërcime | 1 asistim |
| 5 | Sami Hajzeri | 4 pikë | 2 kërcime | 2 asistime |
| 6 | Valon Gashi | 3 pikë | 5 asistime | 1 kërcim |
| 7 | Blendi Matoshi | 3 pikë |
