Orfila arrin nesër, shkruan Viva Trepça!

Transferi i fundit i mitrovicasve, Jan Orfila, ka bërë të ditur se nesër do të arrijë në Kosovë. 

Qendra e re e Trepçës, që do të jetë spanjolli i parë në palestrat kosovare, kështu ka shkruar në profilin e tij të rrjetit social Facebook, duke u bërë të ditur adhuruesve se do të aterojë nesër në Kosovë. 

“Do të arrijë nesër! Viva Trepça,” ka shkruar ai në llogarinë e tij. 

Orfila ka refuzuar oferta nga disa vende tjera për të ardhur në Kosovë, ka bërë të ditur portali spanjoll Menorca. 

Trepça nesër do të ndeshet ndaj Dritës në Gjilan.