CHRISTIAN PANUCCI
Panucci: S’është me rëndësi fitorja por…
13 November, 2017 @21:06
Përzgjedhësi i Shqipërisë, Christian Panucci, ka qenë i lumtur për fitoren e ekipit ndaj Turqisë në miqësoren e sontme, që ka qenë e fundit për këtë vit, por është shprehur të jetë edhe më i kënaqur me lojën e treguar, në pyetjen e gazetarëve të RTSH-së se çka presim nga Shqipëria në vitin 2018.
“Nuk bëhet fjalë për fitore. Me rëndësi është që ne të luajmë sikurse në pjesën e parë. Kjo është Shqipëria që unë dua. Jam shumë i lumtur për mënyrën sesi djemtë po e përceptojnë atë që unë dua. Do të punojmë edhe më shumë dhe mendoni mirë se sa vite ka që Shqipëria nuk e ka mposhtur Turqinë,” ka thënë ndër të tjera Panucci.
