Paraqitje mahnitëse

Jose Mourinho ishte në disponim të mirë pas fitores së shënuar ndaj Evertonit sonte, në përballjen e fundit të ditës në Premier Ligë.

“Krenaria, dëshira, gjithçka ka qenë e nivelit të lartë. Dhe në krye të kësaj, ne luajtëm shumë mirë. Nuk ka qenë performancë e djemve të lodhur, përkundër orarit më të keq të mundshëm që na keni dhënë neve,” ka thënë Mourinho fillimisht, derisa ka pasur lavdata për paraqitjen e Jesse Lingardit.

“Një gjë është të jesh talent i ri, tjetër gjë është të jesh lojtar shumë i mirë. Disa lojtarë nuk kanë kapacitet që të përballojnë këtë kalim. Ata shkojnë prej super talentit në lojtarë normal. Ndërsa Lingard është duke dhënë shenja që po e bën kalimin. Ai është në ngritje të vazhdueshme, i adaptueshëm, e kupton lojën më mirë, është duke shkuar në drejtim të duhur,” ka thënë Mourinho.

Me fitoren e shënuar sot ndaj Evertonit, Manchester United ka rikthyer pozitën e dytë në klasifikim, ndërsa me paraqitjen e mirë të Paul Pogbas, ekipit i është shtuar shpresa për një 2018sh të suksesshëm.