Pas 10 viteve, Lakers kampion i NBA-së

Los Angeles Lakers, duke e mposhtur Miami Heatin në ndeshjen e gjashtë të serisë me rezultat 93-106 u shpall kampion i NBA-së për stinorin 2019/20.

Ndeshja përfundoi me dominimin total të Lakersave. Ata nga minuta e parë e deri në fund nuk e lëshuan asnjëherë epërsinë, ku gjatë ndeshjes epërsia shkoi deri në 36 pikë.

Super ylli i Lakersave LeBron James ishte lojtari i ndeshjes. King James shkëlqeu me shifrat magjike triple-double prej 28 pikëve, 14 kërcimeve e 10 asistimeve, derisa u ndihmua edhe nga Anthony Davis me 19 pikë e 15 kërcime dhe Rajon Rondo me 19 pikë të tjera.

Në anën tjetër te Miami më i miri ishte Bam Adebayo me 25 pikë e 10 kërcime, kurse Jimmy Butler në këtë ndeshje luajti me vetëm 12 pikë. Vlen të përmendet edhe rikthimi i Goran Dragicit pas lëndimit të tij. Ai luajti me 5 pikë, 5 kërcime e 2 asistime.

Lakers e mposhti Miamin me rezultat 4-2 në seri dhe e regjistroi titullin e 17 në histori të klubit. MVP i finaleve u zgjodh LeBron Jamesi, derisa për të ishte titulli i katërt në karrierën e tij.

Titulli i fundit i Lakersave ishte në sezonin 2009/10.