Pas Gallapenit, edhe një shqiptar te Widzew

Skuadra polake Widzew Lodz ka zyrtarizuar në këto çaste edhe një futbollist shqiptar. Futbollisti i Shqipërisë, Lindon Selahi është prezantuar te ekipi i tij i ri, ndërsa skuadra polake ka bërë të ditur se ka nënshkruar kontratë deri në vitin 2028 me lojtarin në fjalë.

Mesfushori Selahi, që luajti për Shqipërinë në kohë të Edy Rejas, ndërsa së fundi ka qenë pjesë e Rijekës kroate, pas viteve të kaluara në Belgjikë dhe Holandë i është bashkuar Widzewit sot.

Selahi ka luajtur 153 ndeshje me Rijekën, ku kishte kaluar prej Twentes, ndërsa më parë 26-vjeçari kishte veshur edhe fanellën e ëillem II dhe Standardit të Belgjikës, ku edhe ka lindur.

“Më është dashur një sfidë e re dhe isha mjaft i interesuar për atë që dëgjova që po ndodhë këtu. E njoh trajnerin mirë, pasi që kam punuar me të më parë,” ka thënë Selahi për faqen zyrtare të klubit.

Kontrata e Lindonit me Widzewin është 3+1 sezonale ka bërë të ditur klubi i tij i ri. Ditë më parë, ekipi i njëjtë nënshkroi edhe me reprezentuesin e Kosovës, Dion Gallapeni, që u transferua aty nga Prishtina.

Vlera e Lindonit nga Transfermarkt llogaritet deri në 2-milionë euro, ndërsa Rijeka e kishte blerë nga Twenteja për 650-miijë euro. Detaje për shumë e transferit të lojtarit te ekipi polak nuk janë dhënë nga Widzew,