Peja dëshpëron, Craiova fituese në Karagaç

Peja dëshpëroi në Karagaç sonte. Ekipi i Boris Kurtovic nuk ka arritur t’i arsyetojë pritjet e publikut të zjarrtë pejan, që i përkrahu deri në fund të ndeshjes. 

Debutoi Chris Smith, por më të dalluarit te Peja ishin Alban Veseli e Drilon Hajrizi. E dardhë me bisht ekipit verdhezi u doli ish qendra e tyre, Radomir Marojevic. 

Pjesa e parë e ndeshjes ishte për tu harruar. Pejanët nuk mund t’i bënin ballë mysafirëve rumun, të cilët të udhëhequr nga Djordje Micic dhe (për ironi) ish lojtari i Pejës, Radomir Marojevic, krijuan avantazh 10 pikësh në fund të çerekut të parë, e në të dytën e thelluan atë edhe më shumë, duke përmbyllur pjesën e parë 12 pikë epërsi. 

Verdhezinjtë më kot provuan 9 herë për treshe, derisa asnjëri nuk arriti të qëllojë. Ndërsa në lojë u mbajtën nga qendrat e tyre, Jozo Brkic dhe Mario Austin. 

Përkundër nismës së mirë në çerek të tretë, ekipi rumun qetësoi gjithçka kah fundi i saj duke mbajtur distancën e mëparshme. E në dhjetëminutëshin e fundit, përkundër se verdhezinjtë u afruan në tre pikë - me disa gabime në pasime të Janou Rubin nga ngutia, e hapave të Mario Austin - Craiova u rikthye për të fituar qetë në fund. 

Më i miri te Peja sonte ishte Hajrizi, që me indeksin 15 përfundoi ndeshjen, duke shënuar 9 pikë, 8 kërcime dhe 4 asistime, derisa Alban Veseli shënoi 13 pikë, me një bllokadë e 4 kërcime. 

E te mysafirët, Milivoje Bozovic e Radomir Marojevic përfunduan ndeshjen me nga 14 pikë, pas Djordje Micicit me 15 pikë e 5 asistime, te ekipi fitues. 

Rezultatet dhe Tabela aktuale

TABELA E GRUPIT C:

1. PEJA	3-1	7 pikë
2. CRAIOVA	2-2	6 pikë
3. KUMANOVO	2-2	6 pikë
4. MORNAR	1-3	4 pikë

Statistikat individuale te Peja

1	Alban Veseli	13 pikë	4 kërcime	1 bllokadë
2	Janou Rubin	11 pikë	4 kërcime	5 asistime
3	Drilon Hajrizi	9 pikë	8 kërcime	4 asistime
4	Jozo Brkic	8 pikë	6 kërcime	-
5	Jaleel Nelson	8 pikë	4 kërcime	2 asistime
6	Mario Austin	6 pikë	1 kërcim	1 asistim
7	Fisnik Rugova	4 pikë	-	-
8	Chris Smith	1 pikë	3 kërcime	1 asistim

Statistikat individuale te Craiova

1	Djordje Micic	15 pikë	4 kërcime	5 asistime
2	Radomir Marojevic	14 pikë	-	-
3	Milvoje Bozovic	14 pikë	8 kërcime	3 asistime
4	Ivan Bosnjak	9 pikë	1 kërcim	2 asistime
5	Szabolcz Santa	6 pikë	3 kërcime	1 bllokadë
6	Marko Boltic	5 pikë	13 kërcime	5 asistime
7	Dragos Andrei	4 pikë	1 kërcim	-