VJEN TRAJNERI
Peja emëron trajnerin e ri
29 August, 2016 @13:07
Peja ka bërë të ditur emrin e trajnerit të ri të skuadrës. Maqedonasi Aleksandar Todorov do të drejtojë verdhezinjtë në stinorin 2016/17.
Ai është njëri ndër trajnerët e suksesshëm të rajonit ballkanik, ndërsa ka drejtuar skuadra si MZT, Ankara, Rilski, Balkan Botevgrad dhe Dinamo Bukuresht.
“Ju njoftojmë se kemi nënshkruar kontratë me trajnerin e mirënjohur maqedonas, Aleksandar Todorov,” ka bërë të ditur faqja zyrtare e ekipit pejan, kbpeja.com sot.
Todorov është i lindur më 17 korrik të vitit 1973 në Shkup. Ai vlerësohet për shkak se ka arritur me MZT-në të fitojë titullin e parë të kampionit në histori të këtij klubi në vitin 2012.
TROFETË:
| BIBL | 2009 | ||
| KUPA E MAQEDONISË | 2001 dhe 2012 | ||
| TITULLI I MAQEDONISË | 2012 |
