Peja feston në fund

Përkundër epërsisë së madhe, Peja rrezikoi shumëçka në fund, por në minutën e fundit u këndell për të fituar.  Borozani.com

Zhvillimi kronologjik

Pas çerekut të parë të barabartë, Peja nisi të ngris lojën në çerekun e dytë për të shkuar në pushim 10 minutësh me 4 pikë epërsi. 

Pasoi një furi pejane në çerekun e tretë të lojës kur Peja demoloi malaziasit e Tivarit me 27-6. 

Mirëpo, ajo që zakonisht i ndodh Pejës, lëshimi i koncentrimit në fund, ndodhi përsëri. Mornar ngushtoi epërsinë që në 5 minutat e para të çerekut të fundit kur avancoi krijoi seri 21-9. 

Kjo uli epërsinë pejane të 20 pikëve në 10, derisa 2 minuta pa përfunduar ndeshja rezultati ishte 80-70 për Pejën. 

Malaziasit taktikisht shfrytëzuan gjithçka dhe ulën epërsinë deri në minus 4 pikë. Me disa udhëzime të trajnerit Boris Kurtovic, verdhezinjtë u qetësuan dhe në fund fituan ndeshjen 87-80. 

Hajrizi-Nelson, dyshja e rikthyer

Drilon Hajrizi me 21 pikë, 3 asistime dhe 2 kërcime ka fituar indeksin e lojtarit më të mirë të ndeshjes, derisa kontributi i të ardhurit Jaleel Nelson ka qenë gjithashtu i jashtëzakonshëm te verdhezinjtë. 

Nelson në debutimin e tij prej se u rikthye në Kosovë ka shënuar 15 pikë dhe 2 kërcime. Jozo Brkic realizoi double-double prej 10 pikëve dhe 10 kërcimeve. 

E debutuesit tjerë, Janou Rubin dhe Mario Austin shënuan, 16, përkatësisht 4 pikë. Rubin regjistroi edhe 7 asistime.

Te mysafirët më të dalluarit ishin Nikola Korac me 18 pikë e 8 asistime dhe Ivan Jelenic, kapiteni i ekipit të Mornarit me 17 pikë të shënuara. 

Peja tash ka bilanc prej 3 fitoreve dhe asnjë humbje në Grupin C, derisa Mornari ka 1 fitore e 2 humbje. 

Statistikat e ndeshjes do të shtohen më vonë

TABELA AKTUALE E GRUPIT C:

1. PEJA	3-0	6 pikë
2. MORNAR	1-2	4 pikë
3. CRAIOVA	1-1	3 pikë
4. KUMANOVO	0-2	2 pikë

Statistikat individuale te Peja

1	Drilon Hajrizi	21 pikë	3 asistime	2 kërcime
2	Janou Rubin	16 pikë	7 asistime	3 kërcime
3	Jaleel Nelson	15 pikë	1asistim	2 kërcime
4	Alban Veseli	12 pikë	2 asistime	6 kërcime
5	Jozo Brkic	10 pikë	1 bllokadë	10 kërcime
6	Luka Petkovic	5 pikë	7 asistime	2 kërcime
7	Fisnik Rugova	4 pikë	1 asistim	1 kërcim
8	Mario Austin	4 pikë	2 asistime	2 kërcime

Statistikat individuale te Mornar

1	Nikola Korac	18 pikë	8 asistime	4 kërcime
2	Ivan Jelenic	17 pikë	3 asistime	2 kërcime
3	Samuel Coleman	15 pikë	1 asistim	11 kërcime
4	Milos Milosevic	11 pikë	1 top i vjedhur	6 kërcime
5	Radoje Vujosevic	9 pikë	1 asistim	3 kërcime
6	Monty Wilson	7 pikë	1 top i vjedhur	6 kërcime
7	Milan Latkovic	3 pikë	2 topa të vjedhur	1 kërcim
8	Vaso Milovic	0 pikë	1 asistim	3 kërcime
9	Milos Latkovic	0 pikë	1 top i humbur	-