KARAGAÇ
BOROZANI/Edrin Shkuliqi
Peja fiton, Ljuca shkëlqen
21 March, 2013 @10:53
Qendra 212 centimetra e gjatë e Pejës, Ersid Ljuca, ka shkëlqyer në ndeshjen ndaj Dritës të zhvilluar mbrëmë për të qenë koshashënuesi më i mirë i ndeshjes në fitoren e 19-të të Pejës në këtë stinor.
Ljuca shënoi 27 pikë dhe kjo është ndeshja e tretë e tij me Pejën, pas transferimit në janar dhe sanimit të lëndimit të tij. Ai dita-ditës po kthehet në formën e tij të vjetër dhe pritet që të bëhet edhe më i mirë në vazhdim.
Samir Shaptahovic dhe Alban Veseli i kishin përgatitur mirë snajperët - duke shënuar nga katër treshe secili. Derisa amerikani Cyril Awere dhe shqiptari Gerti Shima, bënin show me ngulitje.
Drita ka qenë në epërsi deri në momentin kur ishte 8-7 për gjilanasit dhe prej asaj kohe, pejanët morrën lojën në duart e tyre dhe më s’kishte kush t’i ndalë deri në fund.
Më i dalluari te gjilanasit ishte përsëri Craig Blackmon, i cili shënoi 26 pikë dhe siç e ka zakon, shënoi nga çdo pozitë.
Me këtë fitore dhe me ndeshjet e mbetura në stinorin e rregullt, Peja duket se është gati ta sigurojë edhe teorikisht vendin e parë.
BKT SUPERLIGA, XHIROJA XX
| Peja - Drita | 102-79 Rezultati final | (23-17; 19-18; 36-14 dhe 24-79) Rezultatet sipas çerekëve |
TOP 5 Koshashënuesit e Pejës:
| 1 | Ersid Ljuca | 27 pikë | ||
| 2 | Samir Shaptahovic | 18 pikë | ||
| 3 | Alban Veseli | 18 pikë | ||
| 4 | Harouna Mutombo | 12 pikë | ||
| 5 | Gerti Shima | 10 pikë |
TOP 5Koshashënuesit e Dritës:
| 1 | Craig Blackmon | 26 pikë | ||
| 2 | Brandon Shingles | 17 pikë | ||
| 3 | Driton Sylejmani | 16 pikë | ||
| 4 | Obinna Agomo | 11 pikë | ||
| 5 | Bujar Aliu | 4 pikë |
