Peja, me rekord të fitoreve radhazi

Nënkampionja e Kosovës, Peja, ka arritur të mposht Yllin e Suharekës në Karagaç, për të vazhduar serinë pozitive që e ka kapur. 

Peja me rekord të fitoreve me radhë

Kjo ka qenë fitorja e nëntë me radhë e Pejës në Superligë dhe tashmë ka kaluar sa i përket serisë së fitoreve radhazi Sigal Prishtinën këtë stinor. 

Sa i përket ndeshjes, Peja krijoi epërsi 11 pikëshe pas çerekut të parë, të cilën e rrezikoi mjaft në çerekun e dytë, por sidoqoftë - nuk la vend për befasi. 

Verdhezinjtë përsëri krijuan epërsi të dukshme në çerek të tretë, për të pasur finish të rehatshëm të ndeshjes në fund. 

Pesëshja e parë, pikë dyshifrore

 

Alban Veseli, që nisi ndeshjen te pesëshja e parë, ka qenë lojtari më i dalluar i pejanëve sonte. Ai ka shënuar 24 pikë, 5 kërcime e 3 asistime në fitoren e ekipit të tij. 

Përveç tij, ajo që vlen të përmendet është se e gjithë pesëshja e parë (Jan Mocnik, Drilon Hajrizi, Teo Simovic, Hrvoje Puljko dhe Veseli i cekur më lartë) e ekipit të Pejës ka shënuar pikë dyshifrore, kurse nga banka erdhën vetëm 9 pikë. 

Samir Shaptahovic nuk u fut fare në lojë, derisa e gjithë banka pejane shfrytëzoi disa minuta në fushë, ku trajneri Boris Kurtovic nuk kurseu askë. 

Hammork, koshashënuesi i ndeshjes

 

Te Ylli ka shkëlqyer Charles Hammork. Ai ka qenë lojtari më efikas i ndeshjes me 32 pikë të shënuara, derisa i kontribuoi edhe me nga 5 asistime e kërcime ekipit të tij. 

Urim Zenelaj regjistroi double-double në ndeshje, me 14 pikë e 15 kërcime, e ajo që vlen të përmendet është se edhe trajneri suharekas Agron Berisha i dha rastin  të gjithë lojtarëve të shijojnë ndeshjen. 

Peja me bilanc 10-1 merr kryesimin e tabelës sonte, derisa Ylli vazhdon të ketë vetëm tre fitore krahas tjerave humbje. 

REZULTATET, TABELA AKTUALE

Statistikat ekipore:

	Peja	Ylli
Çereku i parë	31	20
Çereku i dytë	19	23
Çereku i tretë	29	15
Çereku i katërt	23	31
Kërcime	36	37
Asistime	28	18
Bllokada	3	3
Topa të vjedhur	8	7
Topa të humbur	13	15
Tentime për tre pikë	16/40	4/21
Tentime nga loja	37/73	31/72
Tentime nga gjuajtjet e lira	12/23	23/32

Statistikat individuale te Peja

1	Alban Veseli	24 pikë	5 kërcime	3 asistime
2	Hrvoje Puljko	23 pikë	3 asistime	1 kërcime
3	Drilon Hajrizi	21 pikë	6 kërcime	4 asistime
4	Teo Simovic	13 pikë	4 kërcime
5	Jan Mocnik	12 pikë	17 asistime	5 kërcime
6	Jozo Brkic	9 pikë	11 kërcime	1 asistim

Statistikat individuale te Ylli

1	Charles Hammrok	32 pikë	5 kërcime	5 asistime
2	Najee White	16 pikë	6 kërcime	2 asistime
3	Artin Gashi	16 pikë	6 kërcime
4	Urim Zenelaj	14 pikë	15 kërcime	1 asistim
5	Derrick Washington	7 pikë	10 asistime	2 kërcime
6	Egzon Berisha	2 pikë	1 kërcim
7	Florint Fetiu	2 pikë