DUELI I RADHËS NË BIBL
Peja ndaj Ibrit, me trajnerin…
3 February, 2020 @16:11
Skuadra e Pejës sipas orarit në BIBL nesër do të luaj ndaj Ibrit të Rozhajes në kuadër të kësaj gare.
Pas shkarkimit të trajnerit Jeronimo Sarin, që u largua nga posti i trajnerit të klubit pas disfatës befasuese nga Trepça, verdhezinjtë do të punojnë nën urdhërat e ndihmës-trajnerit të deritashëm në skuadër Petrit Zeqiri.
Peja ende nuk ka njoftuar për emrin e trajnerit të ri të skuadrës, derisa Zeqiri pritet t’i drejtojë ata në përballjen e nesërme nëse nuk ka ndonjë risi përgjatë ditës sot.
Sa i përket renditjes në BIBL, Peja është e dyta në tabelë nga 5 skuadra pjesëmarrëse, me bilanc 4-3, derisa Ibri ka bilans 3-3 aktualisht.
Dueli Ibri - Peja është paraparë të zhvillohet nesër pasdite me fillim prej orës 17:00, derisa referë të ndeshjes janë treshja: Zdravko Rutesic, Dimitrios Bitis dhe Konstantinos Xenikakis.
TABELA AKTUALE:
1. Academic Bultex 7-1
2. Peja 4-3
3. Ibri 3-3
4. Rahoveci 2-5
5. Vllaznia 2-6