Peja një hap larg titullit

Çereku i parë kaloi me rivalitet kryesisht të barabartë, ndërsa pejanët të cilët për herë të parë dolën në epërsi pranë rezultatit 14-15, e përmbyllën këtë çerek në epërsi me një pikë 18-19.

Periudha e dytë e lojës kaloi me dominimin e prishtinasve. Bardhekaltërit me anë të mbrojtjes së fortë e ndalë Pejën në vetëm 8 pikë dhe në fund të gjysmëlojës krijuan epërsi prej 10 pikëve 37-27.

Mirëpo epërsia e Prishtinës u shkri shumë shpejtë në fillim të çerekut të tretë, kur pejanët e barazuan rezultatin në 39-39 duke krijuar serinë 2-12 falë pikëve të Dardan Berishës dhe të Ersid Ljucës, dhe në çerekun e fundit hynë në epërsi me një pikë 43-44.

Në çerekun e katërt dhe të fundit të ndeshjes gabimet e shumta të Prishtinës e thelluan epërsinë e Pejës në 11 pikë pranë rezultatit 48-59 edhe 3 minuta pa përfunduar ndeshja.

Më pas, me treshen e Adnan Mustafës dhe pikët e Edmond Azemit, bardhekaltërit e ngushtuan epërsinë në vetëm 5 pikë, mirëpo edhe kjo epërsi mbeti e paaritshme për Prishtinën dhe në fund Peja shënoi fitore me rezultat 58-66.

Peja tani në qoftë se shënon fitore edhe në ndeshjen e tretë të serisë e cila luhet në palestrën Karagaçi, atëherë do të shpallet kampione e Kosovës për stinorin 2012/13.

REZULTATI

Koshashënuesit e Sigal Prishtinës

Koshashënuesit e Pejës