Peja pushon këtë fundjavë

Lideri i stinorit të rregullt 2015/16, KB Peja, do të pushojë këtë fundjavë nga Superliga dhe përgatitjet do t’i bëj për xhiron e fundit të Superligës kur udhëton në Mitrovicë për t’u përballur me Trepçën.

Peja është eliminuar nga garat ndërkombëtare këtë stinor më heret sesa që kishin planifikuar dhe tashmë janë koncentruar tërësisht në Superligë.

Verdhezinjtë do të përballen në gjysmëfinale të Play-Offit pikërisht ndaj Trepçës, ndaj së cilës edhe do të përmbyll stinorin e rregullt.

Peja me vendin e parë të siguruar do të ketë përparësinë e terrenit vendas ndaj çdo kundërshtari gjysmëfinal dhe finales potenciale.