Peja rikthen kreun

Ndeshja derbi e javës së dytë të stinorit pranveror në BKT Superligë ndërmjet Pejës dhe Sigal Prishtinës, përfundoi me fitoren e pejanëve me rezultat 77-72.

Në çerekun e parë ishte Sigal Prishtina e cila kishte një dominim të lehtë në lojë. Ndalja e Dardan Berishës në vetëm dy pikë, bëri që prishtinasit ta përfundojnë dhjetë minutëshin e parë në epërsi me rezultat 13-18.

Çereku i dytë ishte krejtësisht ndryshe në krahasim me atë të parin. Peja e përfundoi këtë çerek në epërsi me rezultat 41-28 duke arritur kështu epërsinë më të thellë në ndeshje ndaj Sigal Prishtinës. Derisa me lojë të mirë për vendasit u dallua dyshja Berisha - Shaptahu, te mysafirët vetëm Edmond Azemi dhe Alvin Snow ishin ata të cilët arritën të shënojnë në këtë çerek.

Në pjesën e parë të gjysmëlojës së dytë Prishtina me lojë të mirë në mbrojtje, arriti ta shkrijë epërsinë e pejanëve në shtatë pikë, derisa semafor në palestrën Karagaçi tregonte rezultatin 56-49.

Dhjetë minutëshi i fundit i ndeshjes 15 prej 21 pikëve të shënuara i realizoi nga vija e gjuajtjeve të lira dhe kjo ishte njëra prej arsyeve kryesore në fitoren e verdhezinjëve.

Koshashënuesi më i mirë i ndeshjes ishte i zakonshmi, Dardan Berisha, me 22 pikë, derisa nga 20 pikë i shënuan Samir Shaptahu i Pejës dhe Alvin Snow i Sigal Prishtinës, që të dy me nga katër tresha në lojë.

 

21-shi e mposhtë Vëllaznimin

 

Në ndeshjen tjetër të luajtur sot, RTV 21 ka shënuar fitore me 25 pikë epërsi ndaj Vëllaznimit, duke e mposhtur me rezultat 95-70.

Rezultatet e javës

RTV 21 - Vëllaznimi	95-70
Peja - Sigal Prishtina	77-72
Drita - Sigkos Bashkimi	nesër
Kosova - Trepça	nesër

Koshashënuesit e Pejës

1	Dardan Berisha	22 pikë
2	Samir Shaptahu	20 pikë
3	Gerti Shima	12 pikë
4	Harouna Mutombo	10 pikë
5	Alban Veseli	5 pikë
6	Cyril Awere	4 pikë
7	Valdet Grapci	2 pikë
8	Rron Grapci	2 pikë

Koshashënuesit e Sigal Prishtinës

1	Alvin Snow	20 pikë
2	Edmond Azemi	18 pikë
3	Fahri Breca	15 pikë
4	Julian Terrell	8 pikë
5	Hekuran Binxhija	7 pikë
6	Akida McLain	4 pikë