VERDHEZINJTË
Peja zyrtarizon Smithin
5 February, 2015 @9:51
Disa minuta më parë, Peja, ka zyrtarizuar të përfolurin Chris Smith, si lojtar i ri i ekipit verdhezi. Borozani.com
“Pas shumë negociatave, basketbollisti Chris Smith është zyrtarisht lojtar i ri i Pejës,” ka shkruar në njoftimin e klubit që udhëhiqet nga kroati Boris Kurtovic, botuar në Facebook.
Smith, që ka përvojë të madhe te Louisville Cardinals, ka luajtur pak edhe në NBA, për ekipin e New York Knicks, derisa ka qenë pjesë e Erie Bay Hawks në D League të NBA-së, që njihet si ligë për zhvillim.
Ky do të jetë i huaji i gjashtë te Peja, me të cilët ekipi do të provojë të rrëmbejë titullin e Balkan League.
Dy kroatë, Jozo Brkic dhe Luka Petkovic, si dhe katër amerikanë, Jaleel Nelson, Januo Rubin, Mario Austin dhe tash Smith - është grupi i të huajve në Pejë.
Javën që vjen, Peja e pret Craiovën në Karagaç në kuadër të BIBL, derisa luan ndaj Yllit në Superligë këtë fundjavë.
Video
Paraqitja e Smithit në NBA
