Kur duhet më së shumti, Prishtina fiton

Sigal Prishtina ka shkëlqyer sonte në Samokov Arena të Bullgarisë për të mposhtur Rilski Sportistin, që njihet si ekip që nuk dorëzohet lehtë në vend. 

Por kjo e dhënë, nuk i ka bërë fare përshtypje Prishtinës, që udhëtoi në Bullgari pas tre humbjeve me radhë - duke kërkuar fitoren e parë në fazë të dytë të grupeve të Balkan League. 

Fitorja e parë e vitit

Bardhekaltërit në çdo çerek me mbi 20 pikë të shënuara, ka bërë që Marjan Ilievski si trajner, të regjistrojë fitoren e parë në Balkan League me Prishtinën. 

Dardan Berisha ka qenë i pandalshëm për ekipin bullgar duke shënuar mbi mesataren e tij. Jordan Hulls dhe Edin Bavcic, gjithashtu kanë kryer punën e tyre mjaft mirë për t’ia sjellë fitoren e parë të vitit 2015 në BIBL prishtinasve. 

Nën dirigjim të Dardanit

Dardan Berisha me 34 pikë, 5 asistime e 4 kërcime është treguar i pakapshëm për kundërshtarin. Edin Bavcic me double-double, thuajse të zakonshëm të tij, 15 pikë e 14 kërcime si dhe Jordan Hulls me 14 pikë, 2 asistime dhe 6 kërcime - kanë qenë kryesorët në fitore, derisa pragun e pikëve dyshifrore ka kaluar edhe Julius Mavunga, me 12. 

Te ekipi bullgar, Todor Todorov, nga banka, i kontribuoi më së shumti ekipit të tij, duke shënuar 16 pikë e 9 kërcime. Vernon Taylor me 13 dhe Zlatin Georgiev me 12 ishin, dy të tjerët e vetëm nga ekipi i Rilskit që shënuan pikë mbi dyshifrore. 

Kjo ka qenë fitorja e parë e Prishtinës në fazën e dytë për Sigal Prishtinën dhe tani ka bilanc 1 fitore dhe 2 humbje në fazë të dytë, derisa Rilski që nisi me 1-1 këtë fazë, tani është nën Prishtinën me 1 fitore e 2 humbje, përkundër se me pikë të njejta. 

TABELA AKTUALE E GRUPIT D:

1. KOZUV	3-0	6 pikë
2. SIGAL PRISHTINA	1-2	4 pikë
3. SUTJESKA	1-2	4 pikë
4. RILSKI SPORTIST	1-2	4 pikë

Statistikat individuale Rilski Sportist

1	Todor Todorov	16 pikë	9 kërcime
2	Vernon Taylor	13 pikë	2 kërcime	1 asistim
3	Zlatin Georgiev	12 pikë	4 kërcime	3 asistime
4	Yordan Bozov	9 pikë	6 asistime	3 kërcime
5	Darin Ivanov	8 pikë	2 kërcime
6	Julian Norfleet	7 pikë	3 kërcime	2 asistime
7	Simeon Iliev	4 pikë	2 kërcime	1 asistim
8	Zarko Rakocevic	2 pikë

Statistikat individuale te Sigal Prishtina

1	Dardan Berisha	34 pikë	5 asistime	4 kërcime
2	Edin Bavcic	15 pikë	14 kërcime	2 asistime
3	Jordan Hulls	14 pikë	6 kërcime	2 asistime
4	Julian Mavunga	12 pikë	6 kërcime	3 asistime
5	Edmond Azemi	8 pikë	5 kërcime	2 asistime
6	Blerim Mazreku	6 pikë	1 kërcim
7	Julius Coles	3 pikë	4 kërcime
8	Nikola Vucurovic	2 pikë	4 kërcime