Penza për fitore, përndryshe titulli mbetet në Prishtinë

Basketbollistet e Penzës, pasi që humbën epërsinë e terrenit vendas me disfatën në ndeshjen e parë të serisë finale në Karagaç, 70-81, nga Sigal Prishtina, sonte do të kërkojnë që të rikthejnë këtë epërsi me fitore eventuale. 

Mirëpo, kjo nuk është e tëra. Penza nuk guxon assesi të humb sot, nga Sigal Prishtina sepse prishtinaset do të shpallen kampione pasi që seria finale te basketbolli i femrave përfundon me 2 fitore. 

Ndërkaq trajneri i prishtinaseve, Fidan Shatri, do të kërkojë fitore që sot, pasi që ekipi i tij kërkon ta shfrytëzojë avantazhin e fituar për të përfunduar serinë dhe për tu rishpallë kampion. 

Ndeshja që nis sonte prej orës 19:00 në Palestrën 1 Tetori pritet të ngjallë interesim të madh te publiku, derisa Sigal Prishtina do të kërkojë ta përfundojë stinorin me një trofe, pasi Kupën e Kosovës e rrëmbeu Penza muaj më parë. 

SERIA FINALE:

Pejë, Karagaç	Penza - Sigal Prishtina	70-81	(0-1)
Prishtinë, 1 Tetori	Sigal Prishtina - Penza
Pejë, Karagaç	Penza - Sigal Prishtina	(në rast nevoje)

Koshashënueset te Penza:

1	Valbona Bytyqi	19 pikë
2	Vlora Idrizaj	19 pikë
3	Nora Gacaferri	19 pikë
4	Jeta Zeka	8 pikë
5	Fiona Beqiri	6 pikë	*Koshashënueset nga ndeshja e parë

Koshashënueset te Sigal Prishtina:

1	Saranda Daci	23 pikë
2	Irma Konjusha	16 pikë
3	Donika Rexhepi	15 pikë
4	Zërina Shatri	12 pikë
5	Gentiana Ismaili	9 pikë
6	Blerta Bajrami	6 pikë	*Koshashënueset nga ndeshja e parë