PLAY-OFF
BOROZANI/Erdis Driza
Bashkimi barazon serinë, kampionja bie në Prizren
14 May, 2014 @21:29
Skuadra e Bashkimit ka arritur të bëhet ekipi i parë që i ka shkaktuar disfatë kampionit aktual të Kosovës, përveç Sigal Prishtinës.
Këtë djelmoshat e Edin Kërveshit e kanë arritur sonte duke e mposhtur Pejën në Sezai Surroi për të barazuar serinë gjysmëfinale të Play-Offit në 1-1, pas lojës së madhe të treguar në Prizren.
Bashkimi e ka nisur furishëm ndeshjen duke krijuar epërsi 11 pikëshe në fund të çerekut të parë dhe këtë epërsi ka arritur ta ruajë deri në fund të ndeshjes, përkundër se Peja u këndell në çerekët e radhës.
Seria gjysmëfinale e Play-Offit luhet për dy fitore dhe me fitoren e sontme Bashkimi dëshmoi se humbja më e ngushtë e stinorit në ndeshjen e parë të Play-Offit nuk ishte befasi.
Darrell Lampley ka qenë koshashënuesi më i mirë i ndeshjes dhe i Bashkimit, duke shënuar 32 pikë me 50% saktësi nga vija jashtë 6.75 metra, derisa malaziasi Zeljko Jovanovic ka pasur saktësi tejet impresionuese për treshe duke shënuar 5 herë nga 6 tentime, 83% saktësie.
Te kampionja, Samir Shaptahovic me 7 treshe ka përmbyllur ndeshjen me 27 pikë në fund, derisa Mario Edwards dhe George Odufuwa kanë qenë basketbollistët tjerë që kanë shënuar pikë dyshifrore me 19, përkatësisht 17 pikë.
Ndeshja e fundit e serisë që përcakton finalistin e këtij stinori në Superligë luhet në Pejë, në palestrën Karagaç.
Statistikat ekipore
| Bashkimi | Peja | ||
| Çereku 1 | 25 | 14 | |
| Çereku 2 | 24 | 23 | |
| Çereku 3 | 28 | 25 | |
| Çereku 4 | 22 | 24 | |
| Kërcime | 36 | 29 | |
| Asistime | 24 | 17 | |
| Bllokada | 2 | 1 | |
| Tentime për tre pikë | 15/26 | 9/25 | |
| Tentime nga loja | 36/67 | 34/75 | |
| Gjuajtjet e lira | 12/15 | 9/22 |
Bashkimi
| 1 | Darrell Lampley | 32 pikë | 3 asistime | 2 kërcime |
| 2 | Zeljko Jovanovic | 17 pikë | 2 asistime | 1 kërcime |
| 3 | Rickey Young | 14 pikë | 5 kërcime | 2 asistime |
| 4 | Aaron Mitchell | 12 pikë | 11 asistime | 7 kërcime |
| 5 | Endrit Hysenagolli | 9 pikë | 16 kërcime | 1 asistim |
| 6 | Qëndrim Biraj | 9 pikë | 3 asistime | 2 kërcime |
| 7 | Valentin Spaqi | 6 pikë | 2 asistime | 2 kërcime |
Peja
| 1 | Samir Shaptahovic | 27 pikë | 6 kërcime | 3 asistime |
| 2 | Mario Edwards | 19 pikë | 6 asistime | 3 kërcime |
| 3 | George Odufuwa | 17 pikë | 9 kërcime | 1 asistim |
| 4 | Teo Simovic | 7 pikë | 1 kërcim | 1 asistim |
| 5 | Vigan Radoni | 5 pikë | 1 asistim | |
| 6 | Valdet Grapci | 4 pikë | 2 kërcime | 2 asistime |
| 7 | Rron Grapci | 4 pikë | 2 kërcime | |
| 8 | Drilon Hajrizi | 2 pikë | 1 kërcim | |
| 9 | Gerti Shima | 1 pikë | 5 kërcime | 3 asistime |
