LEBRON
James show në New York
13 May, 2014 @11:26
Shkëlqimi i LeBron Jamesit, futi në telashe Brooklyn Netsin e Jason Kiddit.
Edhepse ndeshja ishte e barabartë deri në sekondat e fundit, LeBron Jamesi ishte i pa ndalshëm në fund, ku ia solli fitoren skuadrës së tij me rezultat 102-96.
King James, shënoi 49 pikë dhe rrëmbeu 6 kërcime, derisa u ndihmua edhe nga Dwyane Wade me 15 pikë, kurse në anën tjetër, 18 pikët e Joe Johnsonit, nuk mjaftuan për fitoren e dytë të Netsave.
Pas ndeshjes, Andrei Kirilenko u tregua optimist për ta vazhduar serinë:
“Për ta fituar tërë serinë, ju duhet të fitoni edhe sikur mysafir në çdo mënyrë, do të jetë një sfidë e madhe për ne, por seria ende nuk ka përfunduar, kështu që ne do të luftojmë”.
Ndeshja e radhës do të luhet në Miami më 14 maj, ku në rast se fiton skuadra e Erik Spoelstrës, atëherë do të kualifikohen në finale të Konferencës Lindore, ngase rezultati në seri është 3-1 në favor të Miamit.
Video
Performanca e LeBron Jamesit
